أحيانا احس إنى مريض وأحيانا ثانيه احس الناس هى اللى مريضه. أنزل الشارع القى صراخ وازعاج وزحمه وناس رايحه وناس جايه. احيانا احب الزحمه ولا اتضايق منها. أحيانا يمر قدام عيني مشاهد أتأثر فيها. ممكن تكون حلوه وغالبا تكون سيئه. مشاهد كثيره مختلفه ممكن سياسيه ممكن اجتماعيه واحيانا لحظات إنسانيه. أشوف نفسى وأنا كنت مستانس لما كنت مع نفسى. وساعات افكر فى اللي داخلي
أنا منو؟؟
عايش ليش؟؟شنو ابي؟؟
أنا صح ولا غلط؟؟!!
يعنى اعيش كأنى لوحدى
إكتشفت إنى صرت إنسان إفتراضى. خلقت لنفسى عالم إفتراضى. عالم بعيد عن كل شيء قريب منى أنا بس أحرك عناصره بأصابعي. محد يقول لي إنت شقاعد تسوي ولا ليش تسوي جذي. عالم أحقق فيه أحلامى أشوف فيه كل اللى انا ابيهم. أشوف ناس نظيفه، ربع اعتمد عليهم ومو بعيد أشوف فيه كويت جديده من غير مشاكل ولا قضايا ولا هالبلاوي السوداء اللي نشوفها
عالم اشوف فيه كل شي انا ابيه، ممكن سياسه وممكن صداقه ممكن حب وعشق وغرام وغالبا حبة إنسانيه
عالم إفتراضى لي أنا وبس
#خبير_كويتي
@Dr_5abeer
ليست هناك تعليقات:
إرسال تعليق